Candidate motor-ah pawisa man

November 28, 2018-a Mizoram Assembly inthlan awm tura sum che vêl viltu Static Surveillance Teams (SST)-te chuan November 13, Thawhlehni khan Tui­rial biala BJP candidate Jacob T Vanlawma (34) s/o T Sangliana, Zotlang, Aizawl motor aṭangin Rs. 2,00,000 an man.

Police hotute hnen aṭanga thu dawn dan­in, Thawhlehni tlai 3:20 khan STT-te hian Chaltlang Lily Veng, Sairang road-ah Fortuner car AS-01 34 - 0234 a chuang Benjamin Vanlalmuanpuia (36) s/o PC Rosanga, Zotlang hnen aṭangin pawisa an man a, motor neitu leh khalhtu chu Jacob T Vanlawma’n a khalh a ni.

Pawisa hi Lungdai leh Kawnpuia office luah man atan leh party worker-te tana hman tur a nih thu Benjamin Vanlalmuanpuia leh Jacob T Vanlawma te chuan an sawi.

Pawisa hi Federal Bank, Chanmari aṭanga lak chhuah a ni a; Jacob T Vanlawma hian ni sarih chhungin Returning Officer hnenah insawifiahna nen pawisa a ngaihven thei dawn a ni.