Manipur Dy. CM-in pisa a hawng

Kawnpuia National Prople’s Party (NPP) campaign office chu nimin khan Manipur deputy chief minister Yumnam Joykumar Singh-a'n a hawng a; Tuirial bial mi-puite chu NPP candidate Hmingdailova Khiang-te vote turin a ngen.

Yumnam Joykumar Singh chuan, national party pahnih Congress leh BJP-te chuan hmar-chhak mipui (tribal)-te a hmangaih tak tak lo nia sawiin, "Heng party pa-hnihte hian state-ah sor-karna pawh siam se, central lam thu thuin an awm ṭhin. Keini NPP chuan hmarchhak hmasawnna hi kan duh ber a ni," a ti.

NPP candidate Hmingdailova Khiangte pawhin thu sawiin, Congress party a chhuahsan chhan a sawi a, "Congress party No-mination Committee-a Secretary-in ‘Tuirial bial tel lo pawh hian sorkarna kan siam thei’ tia min lo chhanna chu inhmutsitnaah ka ngai a ni," a ti a; amah hmusittu party-ah a tan awm reng a him lo tih a sawi.