Contractor leh supplier pawisa sorkarin vbc. 289.20 a ba mek

Finance changtu chief minister Zoramthanga chuan nimina Assembly session-ah ZPM member Vanlalhlana zawhna ziaka chhángin, Mizoram sorkarin supplier leh contractor hrang hrang sum cheng vbc. 289.20 a bat mek thu a tarlang.

Chief Minister tarlan danin, Mizoram sorkara department hrang hrang 16-in contractor leh supplier sum an ba mek a, ba tam ber PHE department chuan cheng vbc. 73.79 an bá. Contractor leh supplier-te sum Mizoram sorkarin a bat zat hi Finance department-in February 28, 2022 thlenga department hrang hrang aṭanga an dawn khawm a ni.