Chakai farm a ṭhat beisei a ni - Fisheries Minister

Nimin khan Assembly session-ah Fisheries minister K Lalrinliana chuan MNF member Zothantluanga zawhna chhángin, chakai farm enchhinna zawh fel a la nih loh thu House a hrilh a, "A ṭhat beisei a ni," a ti.

INC member Lalrindika Ralte-in chakai farm siam turin sorkarin zir chianna a neih hmasak leh hmasak loh a zawhna chhangin Fisheries Minister chuan, "Chakai farm siam tur hian Fisheries department chuan zir chian tumin hma a la a ni," a ti a, zir chian tumin internet aṭangte leh institution hrang hrangte biakràwn an nih thu a sawi.

K Lalrinliana chuan, Mizoram chakai ang chi chu India ramah a khâwina hmun a la awm lo nia hriat a nih thu sawiin, "Chuvangin, hma hruaitu ni turin, zirchianna leh enchhinna atan project hi kalpui a ni," a ti.