Mizoram sorkarin mimal in luah manah thla khatah cheng nuai 17.81 a seng

ZPM member Vanlalhlana zawhna ziaka chhangin, Finance changtu chief minister Zoramthanga chuan Mizoram sorkarin department-te'n mimal in an luah manah thla khatah cheng nuai 17.81 an sen thu a tarlang.

Chief Minister tarlan danin, tun dinhmunah Mizoram sorkar hnuaia department 29-in mimal in 110 an luah mek a ni. In luah man atana thla khata seng hnem ber Higher & Technical Education department chuan cheng nuai 2.02 an seng ṭhin.