Mamit VC hruaitute'n DC an kâwm

Mamit District VC Association (MDVCA) hruaitute chuan nimin khan Mamit DC Lalnunhlua a pisaah an kâwm a, an district hmasawnna tur hrang hrang an sawipui.

MDVCA hruaitute chuan, Mamit district chu Aspirational District a nih angin, hmasawn turin kil tin aṭanga ṭanho a pawimawh thu an sawi a, "A bik takin, Phuldungsei (Zampui) khua chu Tripura state ramri depa awm a nih avangin theihtawp a ngaihtuah a ṭul. Thinghlun khua pawh Assam nen ramri buai chungchangah harsatna a awm ṭhin avangin ngaihtuah nasat a ngai," an ti.

Mamitah VC member-te tana guest house siam a ṭul thu te, Covid-19 vanga an district-in harsatna an tawh mekte leh hripui léngin ziaawm lam a pan theih loh chungchanga hmalak dan turte sawiho a ni bawk.

Mamit DC chuan, MDVCA hruaitute thu thlen chu a theih ang anga bawhzui a tum thu sawiin, an district hmasawnna atana thawhhopuiah a sawm nghal a ni.