Kuhva rah aṭanga GST Lak zat a hriat theih loh

Taxation minister Lalchamliana chuan nimin khan INC member Lalrindika Ralte zawhna chhángin, Mizoram sorkar (Taxation department)-in kuhva rah aṭanga Goods and Services Tax (GST) a lak tawh zat hriat theih a nih loh thu House a hrilh.

Taxation Minister chuan, kuhva rah aṭanga GST petute'n online-a an pek avangin a petu zat hriat theih a nih loh thu a tarlang a, "Amah­erawhchu, kuhva leh nut chi hrang hrang hralh aṭanga GST registra­tion nei state tax hnuaiah mi 169 an awm," a ti.

INC member Zodin­tluanga Ralte zawhna Lalchamliana'n a chhan danin, Taxation department chuan India ram páwn aṭanga kuhva lut zat a hre lo a ni.