Intihsiakna lawmman sem

Mizoram State Rural Livelihoods Mission (MzSRLM) hnuaia self help group (SHG)-te tana Khawzawl RD Block MzSRLM, Swacch Bharat Mission (R) leh PHE WATSAN Division-te’n inelna an buatsaih chu zawh a ni a, March 9, Nilaini khan Khawzawl DC CC Lalchhuangkima’n Khawzawl Electric Veng YMA Hall-ah lawmman a sem.

Intihsiakah hian Khawzawl, Tlangnuam, East Lungdar leh Darlawn RD block aṭangin SHG 45 an tel a, intihsiakna chi thumah an inel. Inelnaa thupuite chu ‘Inthiarna felfai leh thianghlim neih pawimawhzia’ tih te, ‘Tui thianghlim leh tui hna humhalh pawimawhzia’ tih leh, ‘Waste product hmanga thil insiamsiak’ tihte a ni.