Covid-19 vangin 666 thi tawh

Nimin khan tlai dar 5 thlengin Mizoramah Covid-19 vangin mi pakhat a thi. Mizoramah hripui vangin mi 666 an thi tawh a, kumin March thla bikah mi pariat an thi tawh.

Nimin zing dar 1:42 khan C Vanlalsiama (59), College Veng, Aizawl chu hripui vangin State Refferal Hospital-ah a thi a, natna dang nei tel a ni. Covid-19 positive a ni tih March 5, 2022 khan hmuh chhuah a ni a, March 6 aṭangin SRH-ah enkawl a ni tih sorkar thuchhuakin a tarlang.