Mizoram CEO thar - Ashish Kundra

Election Commission of India (ECI) chuan Mizoram chief electoral officer (CEO) atan Mizoram sorkara thawk mek Ashish Kundra, IAS chu a dah a; SB Shashank a thlâk dawn.

ECI secretary BC Patra-in nimina hriattirna a chhuah danin, ECI chuan Mizoram CEO thar atan hian Mizoram sorkar a ràwn hnuah Ashish Kundra hi ruat a ni tih a tarlang a; Mizo mipuiin CEO aṭanga chhuak tura an nawr SB Shashank chu ECI-a awm rih tura tih a ni thung.

Thu dawn danin, CEO thar Ashish Kundra hi kum 1973-a piang, Indian Administrative Service (IAS) 1996 batch, AGMUT cadre a ni a; Mizoram sorkarah April 2018 aṭangin a thawk ṭan a, secretary niin, GAD, Higher & Technical Education leh Cooperation department-te a enkawl ṭhin.

He mi hm hian Arunachal Pradesh, Andaman & Nicobar Island, Daman & Diu, Dadra & Nagar-ahte a thawk tawh a; Delhi sorkarah Additional CEO a ni tawh.

Mizoram sorkar hian a tirah Mizo hming pathum a rawt a, hengte hi pawm an ni lo.