Zorama hnuaiah hmasawn nasaah ngai

MNF party-a upa pawl, Mizo National Senior Front (MNSF) chuan nimin khan resolution an pass a, Zoramthanga chief minister a nih chhungin Mizoram tan ro tling a thawk chhuak ber a, ramin hma a sawn nasa ber niin an tarlang a, "Mizoram CM atan Pu Zoramthanga kan nei leh tur hi Zo fate tan vanneihna ropui takah kan ngai," an ti.

MNSF chuan, "Mizoram leh hnam hmangaihna vanga kum 20 lo rammu a, thisen tam tak sêng a, nunna hlu tak hlân a, Mizote khawvela min pho chhuaktu, ‘Pathian leh kan ram tana’ thawktu party-te'n kan ram enkawl leh turin duhsakna hlana vote ṭheuh turin Mizo mipui kan sáwm e," an ti. Inthlan a awm dawn apianga intél khawm a, Mizo mipui hmangaih thar thut ṭhin, kohhran beh-chhana hmang an awm ṭhin nia sawiin, fimkhur turin mipui an ngen a, "BJP duh lo apiangte chu BJP leh a thawhpui Congress vote lo tuin kan ngen e," an ti bawk.