Candidate sum hman dan hrilhfiah

Lawngtlai district-a MLA constituency pahniha candidate turte chu nimin khan Lawngtlai DC conference hall-ah campaign-na atana an sum hman chhinchhiah leh ziah fel dan tur Assistant Expenditure Observer-te leh Accounting Team-te'n an sawipui.

Meeting-ah hian, candidate pakhatin inthlan sensoa sum a hman theih zat chu cheng nuai 20 a nih thu tarlan a ni a; campaign leh inthlan kaihhnawiha sum hmanna reng reng felfai zawka chhinchhiah a nih theih dan tur te, a endikna kawngah AEO leh candidate-te inman taka an thawhho theih dan turte sawiho a ni.

Candidate-te sum hman leh AEO record a inmil theih zawkna tura sum hmanna dik taka inhriattir zel a pawimawh thu te, sum hman theih chin aia tam hman a nih chuan candidate tana harsatna a thlen theih avanga fimkhur a ṭul thute sawi lan a ni bawk.