Inthlan atana inbuatsaihna sawifiah
Mizoram Assembly General Election 2018 neih tur atana inbuatsaihna kal zelah November 14, Nilaini tlai khan Serchhip district election officer (DEO) Sangchhin Chinzah leh SP R Sathiyasundaram te chuan DEO pisaah thuthar thehdarhtute an kâwm a, inthlan atana inbuatsaihna an sawifiah.
Serchhip DEO chuan inthlan atana inbuatsaihna an neih dan sawiin, "Randomaization of EVM leh polling staff-te chu ruahman ang taka tluang taka kalpui an nih tawh. BLO-te tana training hnuhnung ber chu November 15, 2018 hian buatsaih a ni ang. Polling staff-te training hnuhnung ber tur atana inbuatsaihna pawh ṭha taka kalpui mek a ni," a ti.
Serchhip SP chuan, inthlanna felfai leh thianghlim a awm theihna atana venhimna kalpui a nih dan leh an district dinhmun tlangpui sawifiahin, Model Code of Conduct bawhchhiatna, dan pêla hmalakna leh campaign lam chi thil report engmah an la dawn loh thu a sawi.
Joint Press Briefing hi Election Commission of India-in media centre kaltlanga District Magistrate leh SP-te'n Joint Press Briefing an nei tur a ni, tih ruahmanna a siam anga buatsaih a ni.