Hmeichhiate chawimawina hlân

India Independence Day vawi 75-na lawmna, ‘Azadi Ka Amrit Mahotsav’ hnuaiah Rural Development (RD) department chuan nimin khan Aijal Club-ah International Women’s Day pualin chawimawina hun an buatsaih a, RD minister Lalruatkima'n hmanpuiin, MGNREGA hnuaia Hmeichhia Puitu (Women Mates) ti ṭha mi 10 leh SRLM-a hmeichhia ti ṭha mi 10 hnenah lawmpuina a hlan.

Chawimawina inkhawm hi RD joint secretary Irene Zohlimpuii Chong­thu-in a kaihruai a; Lalruatkima chuan, RD department hmalaknate'n rah chhuah ṭha tak a nei mek zel tih sawiin,"Hna thawktu ṭha leh hlawh­tling chawimawi tlakte an chhuan­awm. India sorkar scheme pawi­mawh pahnih - MGNREGS leh Rural Livelihood Mission-te hian kalphung leh inkaihhruaina fel tak a nei a, chumi zûlzui chuan state hrang hrangah hmasawnna duhawm tak siam mek a ni," a ti a; ni 100 inhlawhna kalpui dan tur leh a ṭul anga sorkar ṭawiawma tichak turin Women Mate-te a chah.

International Women’s Day hi district khawpui dangahte pawh hman a ni a, MGNREGA leh SRLM hnuaia hma la ṭha hmeichhiate hnenah chawimawina an hlàn a ni.