Kohhran inkhawma zai leh zai loh Kohhran kuta dah turin CM ngen
Mizoram Kohhran Hruaitute Committee (MKHC) chuan, inkhawmnaa zai leh zai loh chungchang chu kohhran kuta dah an duh tawh thu leh inkaihhruaina (SOP)-ah khap tawh loh an duh thu Chief Minister hnenah an thlen.
MKHC hian March 12, Inrinni khan chief minister Zoramthanga hnenah an duh dante an thlen a, "February 28, 2022-a MKHC ṭhukhawm chuan Covid-19 SOP kan hman mek chungchang kan thlirho a, Pathian biak inkhawm phal a ni ta hi lawmawm kan ti. Chutih rual chuan, kan SOP hman mek hi a ṭha tawk loa hriatna kan nei a, kan duh dan kan tarlante hi min lo hriatsak a, tihhlawhtlin a nih theih nan hma min laksak turin kan ngen che a ni," an ti.
CM hnena MKHC thu thlente
1. Pathian biak inkhawm phal a ni hi a lawmawm a, zai phal loh tih leh inkhawm dan tur chungchang hi chu SOP-ah hian rawn ziak loin, kohhran kutah dah tawh ni se.
2. Chhun lam leh zan lama kohhrante Pathian biak inkhawm phal a ni tawh tho a. Inkhawmpuia zan inkhawm phal loh a ni hi ṭha kan ti lo a, inkhawmpui lai pawhin zan lama Pathian biak inkhawm phal loh bik hi tih tawh loh ni se.