Lok Adalat-ah thubuai 1,084 chingfel

National Legal Services Authority ruahmannain March 12, Inrinni khan State Legal Services Authority, High Court Legal Services Committee, Gauhati High Court, Aizawl Bench leh District Legal Services Authority-te chuan National Lok Adalat an buatsaih a, thubuai 1,084 an chingfel.

Lok Adalat-ah hian thubuai chi hrang hrang - in hmun buai, pawisa inpûknaa buaina, zangnadawmna, thil lei leh hralh, loan rulh theih loh vanga buaina, maintenance leh guardianship chungchanga buainate ngaihtuah a ni a; a vaiin thubuai 3,705 ngaihtuah niin, chu'ng zinga 1,084 chu chinfel a ni. Thubuai 1,084 chinfela sum awm zat chu Rs. 9,84,57,087.28 a tling.

Lok Adalat-ah hian Mizoram State Legal Services Authority chuan ADR Centre building sak thar, MINECO-ah thubuai ngaihtuahna buatsaihin, bench pakua a siam a; High Court Legal Services Authority-ah bench pakhat leh district hrang hrangah bench 17 siam a ni bawk.

National Lok Adalat atana lo inbuatsaih lâwk nan Pre-Lok Adalat/Pre-Conciliation sitting an lo nei tawh bawk a ni.