Larsap hoin Heart Wellness Camp sawiho

March 12, Inrinni khan Raj Bhavan-ah Governor Hari Babu Kambhampati hoin Assam Rifle 23 Sector DIG Brig. Digvijay Singh leh doctor-te'n Heart Wellness Camp chungchang an sawiho. Larsap chuan, Mizoramah lúng natna damdawi ṭha a awm loh thu a sawi.

Inkawmhonaah hian Assam Rifles, Fortis Group of Hospitals leh Trinity Hospital, Aizawlte'n March 10, 2022 aṭanga Champhai khawpuia lúng lam natna bika health camp an buatsaih chungchang an sawiho a ni.

Governor chuan, lúng hriselna ngaih pawimawh a ṭul thu sawiin, "Mizoramah a vawi khatna atana lung lam natna khirh deuh enkawl dan puala hun hman a ni hi a lawmawm. Champhai leh district dangahte damdawi-in ṭha a la awm tlem a, a bikin lung natna enkawlnaah phei chuan Mizoramah damdawi ṭha a la awm lo," a ti a; health camp tam zawk buatsaih zel turin a chah.