Covid-19 vangin mi 671 an thi tawh

Nimin khan tlai dar 5 thlengin Mizoramah Covid-19 vangin mi pakhat a thi a, March 11, Zirtawpni khan mi pahnih leh March 12, Inrinni khan mi pakhat an thi bawk. Mizoramah hripui vangin mi 671 an thi tawh a, kumin March thla bikah mi 13 an thi tawh.

March 11, Zirtawpni tlai dar 5:40 khan H Lalawii (88), Lawngtlai Vengpui chu hripui vangin Lawngtlai DCHC-ah a thi a, natna dang nei tel niin, Covid-19 a vei tih March 4, 2022 khan hriat chhuah a ni. Lalrinawma (38), Vairengte pawh Zirtawpni zan dar 8:40 khan State Refferal Hospital-ah a thi a, Covid-19 positive a ni tih March 9 khan finfiah a ni a, SRH-ah dah luh nghal a ni.

March 12, Inrinni zing dar 5 khan Chhunkhuma (72), Serchhip Hmarveng chu hripui vangin Serchhip DCHC-ah a thi a, natna dang nei tel niin, March 11, 2022 khan hripui a vei tih hmuh chhuah a nih thu sorkar thuchhuakin a tarlang.

Nimin zing dar 6 khan Lalrengchhuana (63), Seling pawh hripui vangin SRH-ah a thi a, Covid-19 a vei tih February 27, 2022 khan hmuh chhuah a ni a, natna dang nei tel a ni.