Home minister Rajnath Singh-a'n Siaha, CADC leh Mamit a tlawh

Union Home minister Rajnath Sing chu an party, BJP tan Mizoram inthlan awm tur atan campaign-in November 16, Zirtawpni khan Mizoramah a rawn kal a; Aizawl tlawh loin, Siaha, CADC leh Mamit-te tlawhin, vantlang inkhawmah thu a sawi.

Siaha District Playground-a vantlang inkhawmah Rajnath Sigh chuan, Mizoram mamawh tam tak zingah BJP an sorkar chuan thla ruk chhungin kawngpui ṭha an siamsak tur thu a sawi a; Siaha districtah BJP-in candidate ṭha tak, Palak bialah Hiphei leh Saiha bialah S Vadyu te an nei tih sawiin, "BJP candidate-te hi Mara mipuite'n lo titling ngei ang che u. Mizoramin hmasawn in mamawh a, chu mi chhanna chu BJP lo thlang ula, pek in ni ang," a ti.

Rajnath Singh chuan autonomous district council chungchang sawiin, "BJP can-didate-te lo titling ula, 6th. Schedule hnuaiah district council dinhmun kan ennawnsak dawn che u a ni," tiin a sawi.

Rajnath Singh hi Assam Finance minister Himanta Biswa Sharma, BJP national general secretary Ram Madhav leh hotu dangte'n an ṭawiawm a ni.