Ram tan ṭawngṭai rual

Orissa for Christ, Love India Mission chuan November 17, Inrinni khan Mizoram hmun hrang hrangah ram pum huap ngènngáwl ṭawngṭai an huaihawt a, mi eng emaw zat an tel a; ram leh hnam tan leh Mizoram inthlanpui neih tura Assembly bial tin tan an ṭawngṭai a ni.

Ṭawngṭai rualna hun hi Aizawlah chuan High School Field, Zarkawtah neih niin, zing dar 7 aṭanga tlai dar 4 thleng neih a ni a; Kolasib-ah chuan chawhma dar 11 aṭanga chawhnu dar 2:30 inkarah Ṭumpui field-ah ṭawngṭai rualna hun hman a ni a, mi 300 vel an tel. Orissa for Christ, Love India Mission hi kohhran pawl tih bik nei lo, eng kohhran tan pawh tel theihna a ni.