ATC-ah zirlai zir zote thlah

Aizawl Theological College (ATC) chuan nimin khan an chapel-ah College Day leh zirlai chhuakte thlahna Vale­dictory Service an hmang a, zirlai 57 an thlah.

Zirlai thlah turte fuihna thu sawitu Rev. R Lalchangliana, Synod moderator chuan, Kris­tiante hnapui ber chu Krista chanchin ṭha hril a ni tih theihnghilh ngai lo turin a chah.

ATC principal Rev. Prof. Vanlalnghaka Ralte tarlan danin, ATC-ah hian zirlai 181, zirtirtu 26 leh thawktu dang mi 18 an awm mek. Nimina thlah tâkte chu BD zir zo mi 24, M.Th. zir zo mi 27, D.Th. zir zo mi pahnih leh DCPC zir zo mi pali an ni a, Mizoram bakah, India hmarchhak state pangaa mite an ni.