BJP-in MGNREGS kalpui dan dik lo chhui tur din turin Larsap an ngen

BJP, Mizoram Pra­desh-a Central Schemes Monitoring & Vigillance Cell chuan nimin khan Governor Dr Hari Babu Khambampati an hmu a; Mizoram sorkarin MGNREGS material component a kalpui dan chhui chiangtu tur high level committee din turin an ngen.

Mizoram BJP chuan, MGNREGS material component chu corrup­tion khurpuia hmanga kalpui a nih dan RTI Act hmanga zir chian a ni tawh tih tarlangin, "Thil dik lo kan hmuhte ziakin Governor hnenah thehluh a ni. MGNREGS material component corruption khurpuia siamtu chhui chhuak a, dan hmanga hrem an nih theih nan Governor chu high level inquiry din a chhui turin kan phût a ni," an ti.

Mizoram BJP thu­chhuah tarlan danin, an thu thlente chu Governor chuan a rang thei ang ber bawhzui a tum thu leh theihtawp a chhuah tur thu a lo hrilh a ni.