Petrol ṭha tâwk lo man

Kolasib-a Legal Metro­logy enforcement-te chuan November 19, Ningani khan Dawngliana Filling Station, Serkhana petrol an endik a, danin a phal chin aia chhia a nih avangin an man.

Legal Metrology assis­tant controller Vanlal­ngheta hnen aṭanga thu dawn danin, petrol endik tura pump neitute'n an lo chhawp chhuah sa chu a ṭha a, pump tanky-a mi erawh chu a ṭha tawk lo. Hei vang hian dan angin filling station enkawltute chu pawisa chawitir an ni.

Tanky-a petrol awm sate chu Legal Metrology Inspector hmuh laiin lâk chhuah vek a ni ang a, danin a phal chin anga ṭha bak dah luh phal a ni tawh dawn lo.