April 5, 2022-ah sikul ṭan dawn

School Education minister Lalchhandama Ralte hoin nimin khan a pisaah School Education department leh zirtirtu inzawm khawm pawl hruaitute an ṭhukhawm. Minister chuan, kum 2022-23 atan April 5, 2022-ah sikul ṭan tur a nih thu a sawi.

Lalchhandama Ralte chuan, Covid-19 léng vangin zirna a pangngaia kalpui theih a nih loh thu sawiin, “Zirlai naupangin an tuar em em a, tunah hian India ram hmun hrang hrangah zirna a pangngaia kalpui a nih leh takah chuan sorkar ráwn chung leh SOP zir chiangin, April 5, 2022 hian Mizoramah zirna-in zawng zawng hawn a ni dawn,” a ti a, sikulte hawng turin department an inpeih tawh thu a sawi.

Ṭhutkhawmah hian, mimal sikul (private school)-te’n a pangngaia fee (100%) an lâk phalsak an rél a; sikul luh leh huna kaihhruaina SOP tur chu School Education department-in a la sèm darh turin an dah.

Pre school - Balvaatika leh Vidhya Parvesh tih hming chu a ram mila hming phuah rawt a ni.