Covid-19 SOP atana rawtte thlirho

Mizoram State Disaster Management Authority (SDMA) chu an chairman Zoramthanga, chief minister hoin Chief Minister Office conference hall-ah an ṭhukhawm a; Covid-19 inkaihhruaina ennawn tura rawtnate an sawiho.

Ṭhutkhawmah hian kum 2021-a SDMA hmalakna thlirho a ni a; Covid-19 inkaihhruaina hman mek hnuaia inkhuahkhirhna ṭhenkhat ennawn tura department leh páwl hrang hrang aṭanga rawtna lutte an ngaihtuah a ni.

Zirna-in hrang hranga zirna kalpui dan tur te, inkhawm chungchang leh Mizoram luhkáa inkhuahkhirhnate an sawiho a; State Disaster Mitigation Fund hmanga mitigation project kalpuite vila en zuitu tur Appraisal Committee din rawtna te, Minimum Standard of Relief kaihhruaina draft guidelines leh thu pawimawh dang, ngaihtuah tura chhawp chhuahte chu a thuphunga pawm a ni.

Ṭhutkhawmah hian deputy chief minister Tawnluia, Home minister Lalchamliana, Power & Electricity minister R Lalzirliana, FCSCA minister K Lalrinliana leh member dangte an tel.