Mizo Language Development Board MNF party-in lawmawm an ti

MNF party chuan, Mizo ṭawng buaipuitu tur Mizo Language Development Board Bill thar, Assembly session-a pàwm a ni ta chu lawmawm an tih thu an tarlang a, "Mizo hnam tan méllung pawimawh tak phunnaah kan ngai a, bill pass-tu Pu Zoramthanga, chief minister kaihhruai sorkar kan chhuang tak zet," an ti.

MNF thuchhuah chuan, Mizo Language Development Board Bill pàwm a nih tâk avangin Mizo ṭawngìn káwl êng a hmu ṭan ta nia sawiin, "Kan ṭawng tihṭhan duân te, humhalh leh chawisan te, thehdarh leh tihchangtlun deuh deuh a lo ni thei dawn ta," a ti a; Bill pass a nih theihna tura hma latu zawng zawng chhuanawm an tih thu a tarlang a ni.