Minister dâwta puhtu lakah FIR thehlut

MNF chuan, social media (Facebook)-ah dâwta minis­ter of state Lalruatkima puh hmingchhetua an ngaih Ṭanpuia Zahthang lakah nimin khan Mizoram police Cyber Crime Police Station-ah first information report (FIR) thehluh a nih thu an tarlang.

MNF party thuchhuah tarlan danin, Ṭanpuia Zahthang (Lalṭanpuia Zahthang) chuan nimin chawhnu dar 1:30 khan facebook group pakhata comment a siamah, minister Lalruatkima chu, 'Chamdur ram ngawa sanctuary-a mi Sele a kahtir,' tiin a tarlang a ni.

Ṭanpuia Zahthangin minister Lalruatkima a puhna chu thu dik lo leh dâwt ngialngan a nih avangin Cyber Crime Police Station-ah Lalremruata Sailo, Dawrpui Vengtharin FIR a thehlut a; FIR thehluttu hi MNF Legal Board-in an ṭawiâwm.

MNF Legal Board secretary David R Lalsawmtluanga chuan dâwta minister puhtu chu a phu tâwka hrem ngei ni se an duh thu a sawi.