Inkhawmpuiah zanah inkhawm phal Final semester tan offline class phal a ni

Biak-inah chhun leh zan inkhawm te, zing leh tlaia ṭawngṭai inkhawm phal a ni a; inkhawmpuiah a hmaa zana inkhawm phal loh ṭhin chu phal a ni tawh. Inkhawmpui leh inkhawmah hian ruai ṭheh khapna a awm lo a, ruai buatsaih lo tura beisei a nih thu erawh tarlan a ni.

Inkhawm chungchangah hian Mizoram Kohhran Hruaitute Committee (MKHC) chuan March 12, 2022 khan Chief Miniser hnenah ngenna an thlen a, inkhawmnaa zai leh zai loh chungchang chu kohhran kuta dah an duh tawh thu leh inkaihhruaina (SOP)-ah khap tawh loh an duh thu an thlen a ni. Inkhawmpuia zan lama inkhawm phal loh chu ṭha an tih loh thu an thlen bawk.

Inkaihhruaina thar chuan, state páwn aṭanga bungraw la lut turin phalna lak hmasak a ngai tawh lo tih a tarlang bawk a ni.