District 4-ah positivity rate 10% hnuai lam
March 15, Thawhlehni khan Mizoramah Covid-19 vei mi 270 hmuh chhuah a ni a, positivity rate a hniam zel bakah, district pali-ah positivity rate 10% hnuai lam a ni. Nimin khan Covid-19 vei dam tawh mi 400 chhuahtir an ni a, Covid-19 vei enkawl lai thi an awm lo.
Covid-19 vei March 15-a hmuh thar mi 270-te chu mipa 124 leh hmeichhia 146 an ni a; RT-PCR laboratory-a hmuh mi pali, TrueNAT hmanga hmuh pariat, RAT hmanga hmuh 255 leh FIA hmanga hmuh pathum niin, positivity rate chu 10.91% a ni.
Nimin khan hripui vei dam tawh mi 400 chhuahtir an ni a; district tina chhuak zat chu - Aizawlah mi 106, Mamitah 88, Lungleiah 47, Serchhipah 42, Saitualah 38, Hnahthialah 28, Lawngtlaiah 20, Champhaiah 16, Kolasib-ah 13 leh Siahaah mi pahnih an ni.
IDSP record angin, Mizoramah Covid-19 vei 2,21,738 hmuh chhuah a ni tawh a, mipa 1,03,479 leh hmeichhia 1,18,259 an ni a, mipa aiin hmeichhia 14,780-in an tam zawk. Nimin tlai dar 5 thleng khan mi 2,18,817 (98.68%) chhuahtir an ni tawh a, mi 672 (0.30%) thi tawhin, enkawl mek mi 2,249 (1.02%) an awm.
Kum 2011 chhiarpui aṭanga chhûtin, Mizorama Covid-19 vei hmuh tawh 2,21,738 chu mi 1,000 zelah hripui vei mi 202 an awm ang a ni a; mi 1,00,000 zela Covid-19 vangin mi 61 an thi tawh ang a ni tih sorkar thuchhuakin a tarlang.
Mizoramah March 15, 2022 thlenga swab sample endik tawh 18,73,198 aṭanga positivity rate chu 11.84% a ni a; RT-PCR hmanga endik zat percentage chu 19.86 a ni a, RAT hmanga endik zat chu 74.49% a tling.