Chhiatna hrang hrang chhuina DMR Minister hoin thlirho a ni

Nimin khan Disaster Managment & Rehabilitation minister Lalchamliana hoin Secretariat conference hall-ah tun hnaia Mizorama chhiatna hrang hrang thleng chhuina - magisterial inquiry leh special investigation team (SIT) report hrang hranga hmalak zuinate thlirho a ni.

DMR Minister chuan, khaw ṭhál mekah kângmei chhuak avanga in leh lo, nunna leh thing leh ramsate chunga chhiatna thleng thei venna kawng­ah ṭan la ṭheuh turin depart­ment, DC, VC/LC, tlawm­ngai pawl leh mipui a ngen.

Ṭhutkhawmah hian, April 2021 thlaa Mizoram hmun hrang hranga kângmei chhuak chhuina SIT report chungchangah, kângmei chhuak thei, ram leh in lama kângmei venna kawngah department hrang hrang leh mipui ṭanho a pawimawh thu sawi a ni.

Ṭhutkhawma thlirhote
1) July 2, 2019-a BSUP Complex, Durtlanga leimin chungchanga Magisterial Inquiry report
2) June 11, 2021-a Ṭhuampui, Aizawla in chima chhiatna thleng chungchanga Magisterial Inquiry report
3) December 17, 2021 zinga Aizawl Bawrhsap Pisapui kâng chungchanga Magisterial Inquiry report
4) April 2021-a Mizoram hmun hrang hranga kângmei chhuak chungchanga SIT report