Serlui-B Hydel Project humhalh dawn

Nimin khan Power & Electricity minister R Lalzirliana hoin department hrang hrang - Power & Electricity, Environment, Forest & Climate Change, Soil & Water Conservation, Land Revenue & Settlement, Tourism, Fisheries hotute bakah, Kolasib DC leh Kolasib Sub-Hqrs. YMA hruaitute'n Serlui-B Hydel Project humhalh dan tur an sawiho.

Ṭhutkhawmah hian Serlui-B Hydel Project-a tui luang lut tlem tial tial te, sangha leh nungcha dangte humhalh chungchangte leh lui kam vela ramngaw tihchereu zel a nih avanga leilung luang ral tuikhuah chhunga lut vanga tui tling awm thei mang lo tur chungchangte sawihoin, hmalak dan tur an rêl a ni.

Mizorama tuihnate humhalh a ṭulzia hriat thar a ṭul thu tarlan niin, "Mipui pawhin hma kan lak ṭheuh a ṭul. Mizorama hydro electric project kan siamna hmun luite phei chu humhalh lehzual a ngai hle a ni," an ti.

Serlui-B humhalhna atana hma la turin Kolasib DC kaihhruai Field Monitoring Team din an rêl a, committee chu chak taka hma la nghal tura tih a ni.