Covid-19 vangin 674 thi tawh

Nimin khan tlai dar 5 thlengin Mizoramah Covid-19 vangin mi pahnih a thi a, natna dang nei tel ve ve an ni. Mizoramah hripui vangin mi 674 an thi tawh a, kumin March thla bikah mi 16 an thi tawh.

Nilaini zan zanlai pelh hnu, nimin zing dar 1 khan K Malsawmzuala (2), Khawzawl chu hripui vangin State Referral Hospital-ah a thi.

Nimin chawhma dar 11:30 khan Nemngoi (89), Thenzawl pawh hripui vangin SRH-ah a thi a; Covid-19 positive a ni tih February 28 khan hmuh chhuah niin, March 10 aṭangin SRH-ah enkawl a ni.