MLA hoin kawng siam mek sawiho

Road & Infrastructure Development Board vice chairman H Lalzirliana, Mamit bialtu MLA hoin March 16, Nilaini chawhnu khan a pisaah Mamit district-a Dapchhuah leh Tuipuibari inkar kawng siam mek leh NH-44A kawngpui siam hna thawh mek chungchang sawiho a ni.

Ṭhutkhawma tarlan danin, Dâpchhuah aṭanga Tuipuibari inkar kawngpui chu BRO enkawl a ni a, hun rei tak neitu awm lo ang maia enkawl loh leh chei hnûm ngai tawh loh chu Border Roads Task Force (BRTF)-in an siam mek a ni. BRTF hotute chuan, hnathawh kal lai meka an hmalak tawhnate leh hmachhawpte an tarlang.

Dâpchhuah-Tuipuibari kawng hi Mizoram khawthlang lama inkalpawhna kawng pawimawh tak a nih avangin, kawng siam hna chu ṭha tak leh a hma thei ang bera zawh a nih theih dan tur an sawiho a ni.

NH-44A kawngpui siam mekah sorkar laipuia Ministry of Road Transport and Highways-ah revised estimate kum hnih chhung táng tawh chu chinfel a nih tawh avangin, chak tak leh ngawrh taka siam chhunzawm nghal a nih thu, kawng siamtu Ratna Infrastructure Private Ltd. hotute chuan an tarlang bawk.