BJP nen kan thawkho ngai dawn lo - MPCC President

Mizoram Pradesh Congress Committee (MPCC) president Lal Thanhawla chuan, Mizoram State BJP President-in Congress nen an thawkho dawn ang deuha thu a sawi chu a chháng a, "BJP nen eng engtikah mah kan thawkho ngai dawn lo," a ti.

Nimina 3rd. MAP Ground, Mualpuia van­tlang inkhawmah thu sawiin Lal Thanhawla chuan, BJP chuan Congress an sorkar leh dawn tih an hriat thu a sawi a, "Hei vang hi a ni mai thei, Mizoram BJP President-in Congress nena an thawhho tur thu hi a puan. Kan sorkar dawn avangin min rawn zawm ve a châk a ni ang," a ti a; BJP-te'n Congress thawhpui châk mah se, Congress-in an duh loh thu a sawi.

MPCC President chuan, BJP chu thawhpui tum an awm avangin Congress an hmehbel ve tih sawiin, "Min hmeh­bel tum mah se, India ram Hindu rama siam tumtu BJP nen hian kan thawkho ngai dawn lo tih Mizo mipuite ka hrilh duh a ni," a ti.