Case neite'n an puang har an ti

PRISM party chuan thuchhuah siamin, Supreme Court-in inthlana candidate zinga case neite an thubuai media-ah puangzar tura a tih laia tun thlenga puanzar an la awm lo chu pawi an tih thu an tarlang.

PRISM chuan, "MLA candidate zinga criminal case neite an thubuai chipchiar puangzar turin a ti a. An awmna party-in ram pum huapa hmuh theiha TV leh chanchinbua puan tur niin, candidate-te'n an dinna bial mipui hmuh theiha an case an puanzar a ngai bawk. Tun thlengin party leh candidate-te'n an la ti lo a, hei hi PRISM chuan pawi kan ti. Court thupek hi zâwm ngei turin case neite kan ngen a ni," an ti a; Court thupek chu zawm a nih loh chuan an ûm zui dawn tih an puang.