Infiamna hi hriselna atan ṭangkai tak a ni - Larsap
Mount Carmel School chuan nimin khan Lammualah Annual Sports khârna hun an buatsaih a, an hun hmanpuitu Governor Kummanam Rajasekharan chuan, infiamna hmanga taksa sâwizawi chu hriselna atan ṭangkai tak a nih thu a sawi.
Governor chuan, inelnaa chak zawk nih a lawmawm ṭhin tih sawiin, "Theihtawp chhuaha tel vena hian a tiropui zual. Inlaichìnna ṭha hian kan nunah hlimna nasa takin a thlen ṭhin," a ti a; zirlaite chu Annual Sports hmanga inlaichinna ṭha zawk chhar chhuak ṭheuh turin duhsakna a hlan a ni.