ASF chungchangah thupek chhuah

Lunglei DC A Kulothungan A chuan Mizoramah African Swine Fever (ASF)-in kian lam a pan niin hriat a nih thu tarlangin, "Amaherawhchu, Mizoram hmun ṭhenkhatah ASF avanga vawk thi report a awm avangin Lunglei district chhunga ASF darh leh mai tur ven nan a hnuaia tarlan ang hian thupek chhuah a ni," a ti.

Lunglei DC thupek ṭhen khat :
1) District dang aṭanga vawk talh tur/vulh tur thu awm hma chuan lakluh khap tlat a ni
2) District chhung khuate aṭanga vawk vulh tur/talh tur Lunglei Town area-a la lut tur reng rengin an lakna khua VC/YMA hriatpuina lehkha la in an lakluhna veng VC/YMA-ah an in report ṭhin tur a ni.
3) Ram pawn (states), ram dang (Myanmar leh Bangladesh) a vawk lei/la lut reng rengin AH&Vety department hnenah lei/lakluh phalna (permission) an dil hmasa tur a ni
4) Ram dang (Myanmar leh Bangladesh) leh ram chhung state dang aṭanga vawk la lut turten an lak luhna ram/state vawk hri lakah a fihlim a ni tih tichiangtu atan Soundness Certificate leh Classical Swine Fever Vaccination Certificate en mai theih a neitu/leitu hian a nei ngei tur a ni.