Contractor thawk muang hrem tur, thawk tha lo thiahtir tur: Robert Romawia
Minister of state Robert Romawia Royte chuan, contractor hna thawk chak lote chungah hremna lek a nih tur thu leh hna thawh ṭha lohte chu ṭhiahtir leh zel a nih tur thu a sawi.
Robert Romawia Royte hian March 17-18, 2022 khan Mamit district-a a department hnathawhte a tlawh a; Mamita cheng nuai 1,250 sénga sak mek Multipurpose Indoor Stadium, Tourist Lodge behchhana hostel sak belh dan tur te, cheng nuai 3,400 sénga sak mek Mamit Sports School, cheng nuai 4,400 sénga sak mek Mamit District Sports Complex, Tuidama Laldenga Football Ground sak mek, cheng nuai 3,300 sénga Kawrthah Residential Sports School sak mek leh sikul behchhana synthetic football ground siam mekte a tlawh a ni.
Robert Romawia Royte chuan, contractor ṭhenkhat, hna thawk muang deuhte chu Covid-19 dinhmun a ziaawm tawh avangin nasa lehzuala ṭan la tura chahin, "Hna thawk chak thei lo an awm chuan an chungah action lak a ni dawn a, hna quality ṭha lo chu ṭhiahtir leh zel an ni ang," a ti a; chief minister Zoramthanga’n lung a phùm tawhnaahte hmasawnna hna chak taka thawh vek a nih thu a sawi.
Minister hi SEDP Board vice chairman TC Pachhunga leh sorkar hotute'n an ṭawiawm a ni.