Hmun parukah thisen unit 360 pe

March 19, Inrinni khan Mizo­ram hmun hrang hrangah thisen unit 360 pek a ni. Adventist Youth Federation (AYF) chuan Global Youth Day pualin hmun thumah thisen an pe a; AYF, Aizawl (East & South) Branch-in Civil Hospital, Aizawlah unit 109 pein, petute mipa 87 leh hmeichhia 22 an ni a, Kolasib-a AYF member mipa 23 leh hmeichhia 10-te'n District Hospital-ah unit 33 an pe a, Champhai South Bial member mipa 28 leh hmeichhia palite'n District Hospital-ah unit 22 an pe bawk.

Bethlehem Vengthlang Branch YMA-in an dìn champha vawi 57-na pualin an YMA Hall-ah Civil Hospital, Aizawl tan unit 106 an pe a, petute mipa 96 leh hmeichhia 10 an ni. KṬP, Bawngkawn Bialin Synod Hospital tan thisen unit 51 pein, petute mipa 38 leh hmeichhia 18 an ni a; KṬP, Nursery Veng Branch-in ZMC tan unit 33 an pe a, petute mipa 25 leh hmeichhia pariat an ni.