Minister-in ramria police-te a tlawh

Minister of state Robert Romawia Royte chuan March 18, Zirtawpni khan Mamit district chhunga ramri bul, Thinghlun leh Mitdel lui bula Mizoram police camp - a tlawh a, TV lian leh ruai ṭhehna tur Rs 30,000 ve ve a pe.

Robert Romawia Royte chuan, Thinghlun rama police-te duty-na a tlawhnaah thu sawiin, "Sipaite insâwizawina tur sport infrastructure siam nan cheng nuai 30 ruahman a ni," a ti a, Mizo mipuiin an thawhrimna leh huaisenna an hriatreng thu a sawi.

Central YMA president R Lalngheta pawhin thu sawiin, sorkarin ramri ngai pawimawha police-te ramria a dah chu lawmawm a tih thu leh YMA pawhin ramri venhim a ngaih pawimawh thu a sawi a; police-te chu ruihhlo laka fihlîm a, an taksa sawizawi reng turin a chah.

Sorkar thuchhuah tarlan danin, Thinghlun leh Mitdel lui bulah hian police 30 ve ve an duty a; Minister hian police duty-te ruai ṭheh nan Rs 30,000 leh TV lian a pe ve ve a ni.