END-in heroin leh ganja an man

Excise & Narcotics Department (END) chuan March 18, Zirtawpni khan Aizawl leh Lungleiah heroin gram 333.70 (hàwng 26) an man a, March 17, 2022 khan Lungleiah ganja kg. 10 an man bawk.

END enforcement-te chuan March 18, Zirtawpni chhun dar 11 khan heroin gram 16.70 (hàwng 1) leh a neitua puh Biakthangkima (41) s/o MC Sanghnuna, Lunglei Ramthar Veng nia inchhál an man. Chhun dar 11:24 khan Vaivakawnah heroin gram 67 (hàwng 5) leh a neitua puh Lalhruaitluangi (20) d/o Lalduhawma (L), Sakawrdai (Rangvamual Mel-3-a khawsa mek) leh Malsawmchhungi (42) d/o Vanlalauva, Buang khua, Champhai district (Vaivakawna khawsa mek) nia inchhálte chu an man bawk.

March 18 zan dar 7:15 khan Zonuam vengah END leh Assam Rifles thawk dunin heroin gram 250 (hàwng 20) leh a neitu nia puh - Lalramsanga (26) s/o Lawmzuala leh Zahmingliani d/o Lalchhuana (L), Lungkawlh khua ve ve nia insawite an man leh a ni.

END chuan March 17 tlai dar 5 khan Lungleiah ganja kg 10 leh a neitua puh mi pathum - Micky Lalrammuana (18) s/o Lalhminghlua Sailo, Lunglei Luangmual, Vanlalsiami (38) d/o Sangluaia (L), Luangmual leh Lalthlamuana (28) s/o Lalhrengliana, Lunglei Farm Veng nia inchhálte an man a, ganja phurhna auto-rickshaw an hréng nghal.

Ruihhlo vanga mante lakah hian Narcotic Drugs & Psychotropic Substances Act, 1985 tlawhchhanin thubuai ziah luh ani.