East-I ZPM-in flying squad an din

Aizawl East-I biala ZPM chuan inthlan bo­ruak, thianghlim, felfai leh rálmuang ber nih an tum vangin nimin khan Special Flying Squad an din.

Aizawl East-I South Block ZPM chairman KC Lallianmawia tarlan danin, an bialah pawl

ṭhen­khat, dan pawisa lo khawpa ṭhahnemngai fál an awma hriat avangin, MPF tan ringawt chuan ven sen ni dawn loin an hria a; tun aṭangin sum cheleka zana vâkte an awm ṭan mek vangin, ZPM chuan Venpuitu Special Flying Squad din ṭulin a hria a ni.

ZPM Special Flying atan hian mi 100 vel an inpe tawh a, nizan aṭang khan veng hrang hrang­ah inṭhenin, an duty ṭan. Model Code of Conduct bawhchhia leh MPF leh political party-te Thawhhona Thu­thlung bawhchhia an hmuh apiang chu an thla lak­sakin, thuneitute hnen­ah thlen zel an tum.

ZPM chuan, Aizawl East-I chu block pathum­ah ṭhenin, block tinah flying squad team comman­der leh deputy comman­der an siam a; vote thlak ní thlengin chhun leh zan zawma duty an tum. Dan bawh­chhe lo turin ZPM chuan pawl tinte a ngen a ni.