Chakma candidate nei lote chungah NGO lawm

NGO Coordination Committee (Joint NGO) hruaitute nimina Central YMA office-a ṭhukhawm chuan thuchhuah siamin, inthlan chuh tumtu pawl hrang hrang zingah NGO ngenna anga Chakma candidate nei lote chungah an lawm thu leh Chakma candidate nei an awm chu pawi an tih thu an tarlang.

Joint NGO hian an meeting-ah hian Novem­ber 28-a Mizoram inthlanpui atana an hmalak dante an thlir a; an thuchhuah chuan, "Dt. 3.10.2018-a NGO Coordination Committee-in thuchhuah a lo siam tawh, Chakma candidate nei lo tura political party-te a ngennaah, NGO-te ngenna ngai pawimawh a, Chakma candidate nei lote chungah lawmthu kan sawi. Hetih lai hian, Chakma candidate nei an awm erawh pawi kan ti hle a ni," a ti.