Lirthei tlân dan tur ruahman

Traffic SP chuan thupek chhuahin, prime minister Narendra Modi-a'n vawiinah Aizawl a rawn tlawh dawn avangin a hnuaia mi ang hian lirthei tlân dan tur ruahmanna siam a nih thu a tarlang.

Lirthei tlân dan tur
1) Ṭhuampui leh Khatla North Presbyterian biak-in inkar via Bawngkawn, Chaltlang Dawrkawn, Chanmari, Zarkawt, Bazar Bungkawn, Zodin, Treasury Square, Aijal Club inkarah lirthei eng chi mah (a chhia emaw a ṭha emaw) zing dar 6 aṭanga Prime Minister a haw hma chuan din/dah phal a ni lo. Chhun dar 12:30 aṭangin a haw hma zawng lirthei tlan phal a ni dawn lo.
2) Prime Minister car cade-te khawpui chhunga an kal velnaah hun eng emaw chen chu motor tih dinte a ṭul dawn a, lirthei keng chhuak tlem turin mipuite ngen an ni. A bikin, Bawngkawn paltlang turte inhmakhua lâwk tura ngen an ni.
3) Chawhma dar 10 aṭangin lirthei lian (HMV)-te chu Ch.Saprawnga Truck Terminal aṭangin Aizawl lut zawnga an tlan phal a ni dawn lo. Ṭhuampui aṭanga Bawngkawn tlan tlanga kal tur lirthei liante chu chhun dar 12 hmain Sairang panin a kal theih ang a, a bak zawng chu Zemabawk CRP camp pêla an tlan phal a ni lo ang.