Rualbanlote vote thlak dan tur sawiho
Nimin khan deputy district election officer Dr Lalhriatpuia Ralte hoin Aizawl district-a pianphunga rualbanlote'n vote an thlak theih dan tur Social Welfare department hotute nen an sawiho a, ruahmanna an siam nghal.
Rualbanlote tana ruahmante
l Mitdel tan EVM balloting unit-ah vote thlakna tur candidate zâwnah braille-a chhiar theiha siam a ni.
l Kal thei lo tan polling sta-tion-a rualbanlo awm tam-naah wheelchair dah a ni.
l A ṭulna hmun apiangah ramp dah a ni.
l In aṭanga polling station kalna tur motor mamawhte tan lam leh thlah a ni ang.
l Ṭawng thei lote tan hriat awlsam turin polling official-te hnenah basic sign language zirtir a ni.
l Mitdel/taksa chak lo te, mahnia vote thlak thei lote ṭanpui turin volunteer an awm a, an chhungte'n vote thlakna hmunah an luhpui dawn.
l Piangphunga rualbanlote chu rei tak vote thlak tura an nghah lohna turin duhsak bik an ni dawn a, zing dar 9 aṭanga dar 11 chhunga polling station an thlen chuan vote thlak nghal theih a ni ang.
l Harsatna neih apiangte chu Election official-te'n an pui ang.