Entreprenuership leh economy-ah Mizoramin hma a sawn nasa

India rama media lian leh lar, India Today chuan India ram state hrang hrang zingah Mizo­ram chu economy leh entrepreneurship lama hma­­sawn chak ber 'Most Im­pro­ved State in Economy and Entrepre­neurship' ah a thlang.

India Today hian India rama state hrang hrangte hmasawn dan tehna, kum tina a tihchhuah ṭhin chu November 22, 2018 khan New Delhi-a State of the States Conclave, 2018 an buatsaihah a tichhuak a, lawmman an hlan nghal. India rama state tê (small state) zingah Mizoram chu environment leh inclusive development category-ah Best Performing State a ni a, economy leh entrepre­neurship category-ah Most Improved State a ni bawk.

State of the States Conclave, 2018 hi Vice President Venkaiah Naidu-a'n a hmanpui a; Gujarat, Assam, Tamil Nadu leh Poducherry chief minister-te pawh an tel a ni.