A tam thei angin vote an thlak Theihna atan hmalak a ni

Mizoram sorkar chuan thuchhuah siamin, MIzoram Assembly inthlan awm turah Election Commission of India (ECI)-in accessible election thupui hmangin a tam thei ang berin vote an thlak ngeina turin state sorkar kaltlangin hma a lak thu a tarlang.

Mi tam thei ang berin vote an thlak theihna atana hmalaknaah hian taksaa harsatna hrang hrang neite tan awlsam tak leh tluang taka vote an thlak ve theihna turin hmalakna tam tak siam a ni. Polling station tinah mahnia kea kal thei lote tan leh wheelchair hmangte tan kal kaina dawhzawm (ramp) siam mek a ni a, siam kim ṭep a ni tawh.

Rualbanlo vote thlak turte tan a theih chin chinah wheelchair, hahchawlhna hmunte leh intlar thui ngai loa vote an thlak thuai theih nana puitute an awm dawn a, khawhmuh lama harsatna neite tan EVM khawlah braille hman theih a ni bawk ang. Chhinchhiah chinah Mizoramah rualbanlo voter 3,915 an awm a ni.