CM leh professor-in mau sawi dun

Nimin khan chief minister Zoramthanga leh Manipur University-a Department of Life Sciences Prof. Ksh Lal Bihari Singha chuan CM pisaah mau chungchang an sawi dun.

Sorkar thuchhuah tarlan danin, Prof. Singha hian Manipur University-ah NEC bultumin dendrocalamus latiflorus tissue culture, a hun pangngaia mauin kum tam tak hnua chî a chhuah hun nghah ngai loa laboratory-ah chi thlah dan project an kalpui mek thu a sawi.

Chief Minister leh Prof. Singha hian Mizorama bamboo plantation kalpui mekah Horticulture department-in mau phun tur a thlan zinga Mizoram páwn aṭanga mau ṭiak phun tur lâk luh ngai chu Manipur University-in tam tham tak an neih avangin planting season lai ngeia phun hman theih turin Manipur aṭanga Mizorama mau ṭiak thawn dan tur an sawi dun a ni.