SBI-in ICU khum 50 an hlân

State Bank of India chuan, corporate social responsibility (CSR) aṭanga ICU khum 50 an lei chu nimin khan Mizoram sorkar hnenah an hlàn a, Mizoram sorkar aiawhin chief secretary Dr Renu Sharma-i'n a dawng.

Chief Secretary chuan SBI chungah lawmthu sawiin, "Sorkarin hripui donaa hma a laknaah public sector leh private sector-te nen ṭang tlanga kan theihna ang anga hripui kan do tlang hi a lawmawm tak zet. Mihring mihrinnaa inhmangaihna kan lantir hi a ropui a, nun ho a nawm phah hle a ni," a ti.

SBI general manager Lunkim Thangboi chuan, Covid-19 lèn hnuah SBI-in hripui donaa ṭangkai tur thil eng emaw zat an pek tawh thu a sawi a, a petute rilruin a tum ang ngeiin mipui harsatna sutkian nana ṭangkai a nih a, mihring nunna hlu tak chhan nana ṭangkai a nih a beisei tlat thu a tarlang.

ICU khum hi United company siam a ni a, pakhat Rs 72,379 man a ni.