Pachhunga University College-a Political Science 6th semester zirlaite'n Sairang kàia Tlawng lui kam an tifai

Pachhunga University College-a Political Science 6th semester zirlaite chuan March 19, Inrinni khan Sairang kàia Tlawng lui kam an tifai. Tlawng lui kamah hian polythene, motor ke, plastic ûm, diaper, thawmhnaw leh thil dangte Tlawnga chêng te, motor sil leh tui chawia kalte'n an hnutchhiah ṭhin a, chu'ngte chu PUC zirlaite chuan an thianfai a ni. PUC Political Science zirlaite hian March 18, 2022 khan Khàmránga Myanmar ráltlânte tlawhin, an dinhmun an enfiah a, March 19 khan tlawh lehin, thilpek eng emaw zat an hlan a ni.